Putin rrit taksat për më të pasurit, të ardhurat për trajtimin e fëmijëve të sëmurë dhe rehabilitimin e tyre

Presidenti rus Vladimir Putin propozoi ndryshimin e normës vjetore të taksës së të ardhurave nga 13 për qind në 15 për qind për qytetarët me të ardhura mbi 5 milion rubla (72 mijë dollarë) në vit.

Putin i dha këto deklarata gjatë një fjalimi televiziv drejtuar kombit rus. Ai tha se ndryshimet mund të hyjnë në fuqi më 1 janar 2021 dhe do të sjellin një shtesë prej 60 miliardë rubla në buxhetin e Rusisë.

Presidenti rus tha se fondet shtesë do të përdoreshin për “trajtimin e fëmijëve që vuajnë nga sëmundje të rënda dhe të rralla, blerjen e ilaçeve të shtrenjta, pajisjet e rehabilitimit dhe operacionet e teknologjisë së lartë”.