‘Butrinti si mall tregu’, arkeologu: Pse e kaluan te Komisioni i Ekonomisë?

Arkeologu Apollon Baçe thotë se Parku Kombëtar i Butrintit po trajtohet si mall tregu, për shkak se marrëveshja për menaxhimin, u kalua te Komisioni i Ekonomisë dhe jo i Kulturës.

Baçe u shpreh se të gjitha ndërtimet që do të bëhen në atë zonë, do të realizohen me paratë e taksapaguesve shqiptarë.

Sipas Baçes, kjo marrëveshje është skandaloze dhe ndër më të këqijat që qeveria ka bërë.

“Dihet që do votohet. Fjalia e vetme që kemi dëgjuar në këtë mes, është kjo që do bëhet si themi ne, ngaqë ne e dimë çfarë bëjmë, ne që jemi specialistë nuk e dimë çfarë bëjmë. Duke filluar nga gjëja më e pakët. Butrinti pse duhet të kalojë në Komisionin e Ekonomisë dhe jo atë të Kulturës. Do të thotë që është mall tregu.

Të gjitha ndërtimet që do bëhen aty, jashtë Butrintit, kazinotë, restorantet do bëhen me paratë e popullit. Lekët e mbledhura nga Butrinti do i fusin ata dhe në bazë të marrëveshjes, fondacioni do investojë 0,6% të fitimit vjetor që do ketë. Kemi bëjmë me një akt të pashoq, në krahasim me PPP-të e tjera, është më skandalozi”, theksoi ai.

Aktiviste të shoqërisë civile, janë në protestë para Kuvendit, në ditën që diskutohet dekreti i Presidentit Ilir Meta që ka kthyer për shqyrtim marrëveshjen për menaxhimin e Butrintit.

LEXONI GJITHASHTU

• Protestë para Kuvendit për marrëveshjen për Butrintin
• Aktivistët protestojnë kundër marrëveshjes për Butrintin para AADF-së
• Mazhoranca rrëzon dekretin e Metës për Butrintin