Përvjetori i poetit lirik, Skënder Rusi feston 70-vjetorin

Poeti i njohur korçar, Skënder Rusi ka festuar 70-vjetorin midis familjarëve dhe miqve poetë e artistë.

Për djalin e tij Eris Rusi, kjo është jo vetëm një festë e dedikuar babait por gjithë qytetit të Korçës.

“Dita e sotme është një ditë e cila është jo vetëm festë për Skënderin por edhe jetës poetike të tij, sepse ao feston 70 vjetorin e lindjes. Ka mbi gjysmë shekulli që është pjesë e botës poetike, ku ka arritur të krijojë fije të panumërta komunikimi. Është një mbrëmje e cila dot e vishet me poezitë e këtij poeti, ata që janë të pranishëm kanë lexuar një nga 25 vëllimet poetike të poetit Skënder Rusi”, tha ai.

Për miqtë e tij të kahershëm si Zamira Kita dhe Ligoraq Riza, Skënderi i ka dhënë shumë vlera kulturore letrare qytetit të Korçës dhe gjithë Shqipërisë.

“Sot është një natë e veçantë, jo vetëm mbrëmje poetike por festë për qytetin e Korçës, gjithë Shqipërinë për letërsinë shqiptare dhe poezinë. Skënderi është poezi dhe sot është rasti tja kthejmë. Na pëlqen që kur mblidhemi në festa të lexojmë poezitë e tij, e jo më në 70 vjetorin e tij ”

“Unë mendoj se Korçes do t’i duhen shumë vite t’i vijnë poetë si Skënder Rusi. Ai nuk është thjesht një poet që i takon Korçës, i ka thurur qytetit, serenatës, dashurisë, një poet i paqte dhe them se përmasat e tij do të jenë shumë afatgjata si poet i shqiptarisë”, u shprehën aktorja Zamira Kita dhe aktori Ligoraq Riza.

Pjesë e mbrëmjes u bënë dhe këngët, të cilat poeti ka debulesë. Për artistin korcar kishte edhe një suprizë nga nipi i tiij.

“Gjysh Skënderi, gëzuar ditëlindjen, u bëfsh 100 vjeç, unë të dua shumë”, ishte urimi i tij.

LEXONI GJITHASHTU

• 2021 vit më i mirë për kulturën, u shtuan shfaqjet dhe u rritën vizitorët
• Monumenti i kulturës i rrënuar në Kolonjë