Reagon për herë të parë Thaçi: Askush nuk mund ta rishkruajë historinë e Kosovës

Presidenti Hashim Thaçi ka reaguar për herë të parë pas propozimit të Prokurorisë Speciale për të ngritur aktakuzë ndaj tij dhe kryetarit të PDK-së, Kadri Veseli.

Përmes një postimi në rrjetet sociale, presidenti Thaçi ka shkruar shkurt se askush nuk mund ta rishkruajë historinë e Kosovës, duke i bashkangjitur një foto të Ushtrisë Çlirimtare të Kosovës.

Dy ditë më parë Prokuroria Speciale e Kosovës ngriti akuza ndaj Presidentit të Kosovës, Hashim Thaçi dhe kryetarit të Partisë Demokratike të Kosovës, Kadri Veseli.

Dy prej figurat kryesore të PDK-së akuzohen për krime gjatë Luftës së Kosovës. Thaçi dhe Veseli, por edhe persona të tjerë dyshohen për krime kundër njerëzimit ndër të cilat vrasje, zhdukje të personave, përpjekje dhe tortura.

Menjëherë pas kësaj, Presidenti i Republikës së Kosovës, Hashim Thaçi anuloi pjesëmarrjen e tij në takimin e parashikuar për dialogun në Shtëpinë e Bardhë, i parashikuar të mbahej me 27 qershor pas akuzave të ngritura nga Prokuroria Speciale. Pas tij edhe kryeministri Avdullah Hoti mori të njëjtin vendim duke kërkuar shtyrjen e këtij takimi.

Lexo gjithashtu:

Zyra e Thaçit: EULEX-i nuk ka më mandat për të qëndruar në Kosovë

Haradinaj: Gjykata Speciale dëmton perspektivën e Kosovës

Akuzat ndaj Thaçit dhe Veselit, veteranët e UÇK-së kërkojnë ndryshimin e Kushtetutës

Akuzat për Thaçin e Veselin, Rama: Po hidhet baltë në krejt shqiptarinë, Serbia ishte agresori