Reforma në drejtësi, Soreca: Shqipëria ka nevojë për gjyqtarë të pavarur që u rezistojnë presioneve

Ambasadori i delegacionit të Bashkimit Evropian Luigi Soreca shprehet se Shqipëria ka nevojë për gjyqtarë dhe prokurorë të rinj që të jenë të pa varur dhe të gatshëm të rezistojnë nga presionet e politikës dhe medias.

Nëpërmjet një postimi në Twiter ku ju uron suksese studentëve të rinj të Shkollës së Magjistraturës, Soreca shprehet se Reforma në drejtësi po ecën përpara dhe zbatimi i saj duhet të vazhdojë. “Fantastike të shohësh kaq shumë të rinj shqiptarë të gatshëm të jenë pjesë e sistemit të ri të drejtësisë.

Shkolla ka në duart e saj të ardhmen e reformës në drejtësi – dhe BE-në përkrah saj. Shqipëria ka nevojë për magjistratë të rinj që janë vërtet të pavarur, të gatshëm të rezistojnë nga ndërhyrja politike dhe presioni i medieve”, shkruan Soreca.

Ndërkohë një ditë më parë,  ambasadorja e Shteteve të Bashkuara në Tiranë Yuri Kim, bëri thirrje për qëndresë përballë sulmeve që sipas saj po i bëjnë sistemit të ri të drejtësisë ata që nuk e duan sepse kanë frikë nga drejtësia e re.