Historiani i famshëm rus pranon të ketë vrarë ish-studenten e tij

Një historian rus ka pranuar se ka vrarë një ish studente të tijin, pasi u nxorr nga policia në një lum me një çantë që mbante brenda dy krahë.

Oleg Sokolov, një specialist për Napoleonin, u arrestua nga policia ruse të shtunën pasi u nxorr nga lumi Moika në Shën Petersburg.

“Ai e pranoi fajin”, tha avokati i tij Alexander Pouchev për AFP, duke shtuar se 64-vjeçari i cili ndodhet aktualisht në spital dhe po trajtohet nga hipotermia, u pendua për krimin e tij dhe ishte gati të punonte me policinë.

Media ruse raporton se ai i tha investiguesve se kishte vrarë ish-studenten e tij Anastasia Yeshchenko, me të cilën ai kishte pasur një marrëdhënie.

Ai do të dalë para gjyqit të hënën.

Adhurues i Napoeleonit, Sokolov, njihet për kostumet e tij Napoleoneske si dhe për organizimin e eventeve prehistorike.

Anastasia Yeshchenko, 24, ishte gjithashtu e apasionuar mbas epokës së Napoleonit dhe ishte bashkëautore e disa librave të profesorit të saj Sokolov, në Universitetin e Shën Petersburgut.

I dekoruar me “Legion d’Honour” në vitin 2003, ai ka përkthyer shumë libra në frengjisht dhe ka punuar si mbikqyrës për filma dhe dokumentarë mbi Napoleonin.

“Si profesor i historisë moderne në Universitetin e Shën Petersburgut, i dekoruar me disa çmime, nuk do na e merrte mendja kurrsë se ai mund të kryente një krim të tillë”. Shpjegoi Issep në një nga deklaratat e tij.