Kina ndërpret bashkëpunimin me SHBA-në për çështjet kryesore

Kina do të ndërpresë bashkëpunimin me Shtetet e Bashkuara të Amerikës në disa fusha kyçe, duke përfshirë ndryshimin e klimës, bisedimet ushtarake dhe përpjekjet për të luftuar krimin ndërkombëtar.

Masat e reja vijnë pasi një delegacion i Kongresit të SHBA, Nancy Pelosi vizitoi Tajvanin, shkruan BBC.

Kina, e cila gjithashtu njoftoi se po sanksiononte zonjën Pelosi dhe familjen e saj, e sheh vizitën si një sfidë ndaj pretendimeve të saj për sovranitet mbi Tajvanin.

Sipas një njoftimi të ministrisë së jashtme kineze, dialogu midis zyrtarëve të mbrojtjes së SHBA dhe Kinës do të anulohej, ndërsa bashkëpunimi për kthimin e emigrantëve të paligjshëm, ndryshimin e klimës dhe hetimin e krimit ndërkombëtar do të pezullohej.

Edhe pse SHBA nuk e njeh zyrtarisht Tajvanin, Uashingtoni mban një marrëdhënie të fortë, që përfshin shitjen e armëve për ishullin e vetëqeverisur.

Shtëpia e Bardhë dënoi “sulmet me raketa precize” të Kinës të cilat gjatë ditës së enjte preken ujërat jashtë brigjeve të Tajvanit.

Pekini i kreu sulmet si pjesë e stërvitjeve ushtarake që kanë ngritur tensionet në rajon në nivelin më të lartë në dekada.

LEXONI GJITHASHTU

• SHBA dënon stërvitjen ushtarake të Kinës rreth Tajvanit
• Kina lëshon raketa afër Tajvanit pas vizitës së Pelosit
• Përplasjet Kinë-Tajvan, si nisën tensionet mes ishullit të vetëqeverisur dhe Pekinit