Skulptura e Putin shfaqet në parkun e lojërave në Nju Jork

Presidenti rus Vladimir Putin u shfaq në një park lojërash në Central Park të Nju Jorkut.

Më konkretisht, një skulpturë në ngjyrë të kuqe të ndezur e Putinit u ngrit atje nga artisti francez James Colomina, shkruan CNN.

Colomina mori meritat për skulpturën, e cila tregon Putinin të ulur mbi një tank lufte në miniaturë.

“Kjo skulpturë synon të denoncojë absurditetin e luftës dhe të nxjerrë në pah guximin e fëmijëve kur përballen me situata të dhunshme, katastrofike të shkaktuara nga të tjerët”, shkruante Colomina  në një postim në Instagram.

Colomina është i njohur për skulpturat e tij të kuqe të ndezura në rrugë, shpesh të instaluara në mënyrë të fshehtë në vende publike pa ndonjë paralajmërim paraprak.

Në prill, ai vendosi në Francë një skulpturë tjetër me një mesazh kundër luftës: një fëmijë ushtar që mbante një pushkë që shndërrohet në trëndafil.

LEXONI GJITHASHTU:

• Muzeu në Itali i jep hua Greqisë një fragment të skulpturave të Partenonit
• Skica e Mikelanxhelos shitet me çmimin rekord në ankandin e Parisit