Alonso drejt rikthimit, spanjolli pritet të garojë për Renault sezonin e ardhshëm

Dy herë kampioni i botës në Formulën 1, Fernando Alonso, pritet të rikthehet në vitin 2021 për t’u bërë pjesë e Renault, diçka që e kanë publikuar mediat e huaja mbrëmjen e së martës.

Alonso u largua nga Formula 1 në vitin 2018, pas përfundimit të sezonit me McLaren, por duket se ai e ndjen veten ende të aftë për të garuar në pistë.

Edhe pse 38 vjeç, spanjolli po mendon rikthimin tek skuadra e Renault, skuadër me të cilën arriti të fitonte dy titujt, në vitet 2005 dhe 2006.

Skuadra franceze ka një vend të lirë dhe palët mund të nënshkruajë një kontratë të re.

Alonso mund të bashkohet me Esteban Okon dhe të zëvendësojë australianin Daniel Ricardo, i cili do të kalojë te McLaren në fund të sezonit 2020.