Serbi, protesta pas deklaratës së Vuçiç për mbylljen e vendit sërish

Mbrëmjen e së martës, një grup i madh protestuesish të mbledhur para Parlamentit në Serbi janë përleshur me forcat e policisë.

Forcat e rendit përdorur gazin lotsjellës për të shpërndarë turmën ndërsa nga konfrontimi 43 oficerë mbetën të lënduar. Mes protestuesve pati 17 persona të plagosur. Nga ana tjetër të paktën 23 persona janë shoqëruar në komisariat.

Protesta erdhi pas deklaratave për rimbyllje të vendit për shkak të numrit në rritjet të të infektuarve me COVID-19.

it would be news if it happened in venezuela Protesters outraged by #Belgrade‘s new #coronavirus lockdown try to storm #Serbia‘s parliament pic.twitter.com/So7XOfH4sp

— kerberos (@kerberosluchad1) July 8, 2020

Presidenti, Aleksandër Vuçiç deklaroi një ditë më parë se, Beogradi do të futet në karantinë nga e premtja pasdite deri të hënën në mëngjes.

Nga ana tjetër ai paralajmëroi se një masë e tillë mund të shtrihej dhe në të paktën 4 qytete të tjera më problematike.

Serbia ka regjistruar dje 13 viktima dhe 299 raste të reja me COVID-19 në 24 orët e fundit. Ky është numri i më madh i humbjes së jetëve që nga fillimi i pandemisë.

Në 24 orët e fundit, Serbia ka testuar mbi 8 mijë persona, duke çuar në total numrin e testeve në 455 mijë. Deri tani ka pasur 16 719 raste pozitive dhe 330 viktima. Rastet pozitive aktive janë 2 942.