Inaugurohet zyra e re sigurisë kombëtare të Pekinit në Hong Kong

Zyra e re e sigurisë kombëtare të Pekinit u inaugurua ditën e mërkurë në Hong-Kong, vetëm një javë pasi qeveria qendrore e Kinës vendosi ligjin e ashpër për qytetin autonom, për të cilin kritikët shprehen se do të çojë drejt pakësimit të lirive të premtuara ndaj ish-kolonisë britanike.

Udhëheqësja e Hong-Kongut Carrie Lam, së bashku me paraardhësit Leung Chun-ying dhe Tung Chee-hwa, ishin të pranishëm për të shënuar hapjen e Zyrës Për Mbrojtjes e Sigurisë Kombëtare në Hong-Kong. Të pranishëm ishin gjithashtu dhe zyrtarë të Partisë Komuniste të Kinës, ndërsa në vendngjarje mund të vëreheshin forca të shumta policie.

Zyra e re u themelua pasi Pekini miratoi ligjin e ri të sigurisë kombëtare në Hong-Kong. Legjislacioni i ri ndaloi aktivitetet të cilat Pekini i konsideron separatiste ose terroriste, apo ndërhyrjet e të huajve në çështjet e brendshme të territorit gjysmë autonom.

Sipas ligjit të ri, forcat e rendit tashmë kanë më shumë pushtet për të kryer kontrolle pa pasur nevojë për mandat si dhe kanë urdhëruar kompanitë e shërbimeve të internetit që të heqin nga rrjeti mesazhe që janë në kundërshtim me ligjin.

Kritikët e kanë cilësuar ligjin e ri si lëvizjen më flagrante të Pekinit për të zbehur ndryshimin e sistemit të qeverisjes më perëndimor të Hong-Kongut dhe atij a autoritar të Kinës.

Lexoni gjithashtu

Hong-Kong: Arrestohen qindra protestues në ditën e parë të zbatimit të ligjit të ri të sigurisë

Një vit protesta, Hong Kongu shënon përvjetorin e parë të manifestimeve

Miratohet ligji i kontestuar, Kina ‘pushton’ Hong Kongun