Fshati i kontejnerëve, Gjermania probleme me strehimin e refugjatëve ukrainas

Për shkak të vazhdimit të luftës në Ukrainë, shumë njerëz vazhdojnë të largohen drejt Gjermanisë, sidomos drejt Berlinit, për shkak të afërsisë gjeografike.

Mbi 400 persona aktualisht janë strehuar në këtë fshat kontejnerësh në Tempelhof, aeroporti i papërdorur i kryeqytetit gjerman.

Akomodimi është bërë i vështirë për shkak të rritjes së numrit të refugjatëve, për të cilët është dashur të gjendet një zgjidhje e përkohshme.

“Këtu do të bëhemi me fëmijë. Por do të qëndrojmë. Na pëlqen shumë Berlini dhe kemi pasur shumë oferta pune. Ka një mentalitet pozitiv dhe njerëz të mirë, jo zemërim”, thotë Albina Kirsan, refugjate ukrainase nga Odesa.

“Vajza ime ka nevojë për ndihmë, pasi është bërë shumë nervoze pas luftës. Për mua dhe nënën time është më e lehtë, por për një fëmijë është e vështirë”, shprehet Svetlana Galun, gazetare.

Refugjatët ukrainas që kanë mbërritur në Gjermani që nga nisja e pushtimit rus në muajin shkurt janë rreth 900 mijë. Atyre u ishte premtuar strehim, mbështetje financiare dhe punë, por gjërat nuk kanë rezultuar aq të thjeshta.

LEXONI GJITHASHTU:

• Zelenski: Çdo rus që qëllon në centralin bërthamor do bëhet objektiv i ukrainasve
• Gjermania redukton konsumin e energjisë, pritet dimër i vështirë