Mbyllet bashkia e Malësisë së Madhe, 3 punonjës të infektuar me COVID-19, testohet i gjithë personeli

Tre punonjës të Bashkisë së Malësisë së Madhe u diagnostikuan me COVID-19

Bashkia Malësi e Madhe u mbyll të premten për t’u dezinfektuar pasi 3 punonjës rezultuan të infektuar me COVID-19.

Burime pranë kësaj bashkie informuan se autoritetet kanë testuar edhe 9 punonjës të tjerë, të cilët kanë pasur kontakte me personat e infektuar.

Mjediset e bashkisë janë mbyllur deri të hënën dhe ekspertë të Institutit të Shëndetit Publik, po kryejnë dezinfektimin.

Në gjithë qarkun e Shkodrës, ku bën pjesë dhe Malësia e Madhe, janë raportuar deri më sot 435 raste me COVID-19, prej të cilave 253 janë shëruar dhe 13 kanë përfunduar me vdekje.

Në total, prej muajit mars në Shqipëri janë diagnostikuar 3,278 persona me COVID-19, nga të cilët 1,875 janë shëruar, 85 kanë vdekur dhe 1,318 mbeten ende mbartës të virusit.

Lexoni gjithashtu:

2 viktima dhe 90 të infektuar të tjerë me COVID-19 në Shqipëri

Një punonjëse rezulton e infektuar me COVID-19, mbyllet kopshti Nr.45 në Tiranë

Testimet për COVID-19, Hoxha: QSUT i ka pajisjet dhe mund të bëjë deri në 1000 teste në ditë

Shqipëria e përball valën e dytë të COVID-19 me numrin më të ulët të testeve në rajon