Lewis Hamilton, një hap më tepër pranë rekordit të Michael Shumacher

Gjashtë herë kampioni botes i formula një, Lewis Hamilton ka siguruar pole position dhe niset i pari në pistën e Red Bull Ring, në Spielberg të Austrisë.

Në sesionin që nisi 46 minuta me vonesë, Mercedes mbërriti në krye me një kohë 1.216 sekonda më shpejt se Max Verstappen i skuadrës së Red Bull. Nga pozita e vendit të tretë do të niset spanjolli i McLaren Carlos Sainz. 

Beteja më e fortë gjatë provave ishte mes Hamilton dhe 22-vjeçarit holandez Verstappen, i cili eci mjaft mirë në terren të lagësht duke bërë xhiro më të shpejta dy minuta nga fundi, por më pas rrëshqiti dhe humbi kontrollin.

Kampioni në fuqi Lewis Hamilton, i cili mund t’i afrohet një hap më tepër rekordit të Michael Shumacher me 91 fitore, u sigurua që nisja në pozitat e të parit të ishte e tija.

Dy pilotët e Ferrarit do e nisin garën nga pozita jo të favorshme. Katër herë kampioni i botës Sebastian Vettel niset i dhjeti, ndërsa Leclerc i cili momentalisht mban pozicionin e dytë në tabelën e klasifikimit do të niset i 14-ti pas penalizimit të marrë gjatë provave.