Ministria e Mbrojtjes: Vetëm uzina e Mjekësit në funksion për demontim

Ministria e Mbrojtjes ka në inventarin e saj mbi 1300 prona. 3 uzinat e demontimit të armëve në Gramsh, Poliçan dhe mjekës të Elbasanit janë pjesë e tij. Por vetëm kjo e fundit është funksionale.

Gjyqi ndaj shtetasve rusë e ukrainas që u futën fundjavën e shkuar në Gramsh vazhdon. Po ashtu dhe përplasja diplomatike mes ambasadës ruse dhe ministrisë së Jashtme për trajtimin e tyre.

Në përgjigje të interesit të Euronews Albania, ministria e Mbrojtjes sqaron se vetëm uzina e lëndëve plasëse në Mjeks vijon aktivitetin e saj, nga 3 të tilla që u ndërtuan gjatë periudhës së komunizmit.

“Aktualisht Uzina Mekanike Gramsh dhe Kombinati Mekanik Poliçan nuk kanë aktivitet demontimi apo prodhues. Uzina e Lëndëve Plasëse Mjeks vijon aktivitetin demontues për municion të dala jashtë inventari të FA. Të tre objektet industriale ruhen nga personel  i Forcave të Armatosura”, thuhet nga ministria.

Uzinat dhe kombinati janë marrë  deri vonë me demontimin e armëve të dala jashtë inventarit të forcave të armatosura.

Por, ministria thotë se nëse ndodhet apo jo ende armatim në to, përbën sekret shtetëror. Ashtu si numri i bazave ushtarake ne vend. Megjithatë inventarin e ministrisë janë 1372 prona.

LEXONI GJITHASHTU:

• Lihen në burg 2 rusët dhe ukrainasi të kapur në uzinën e Gramshit
• Me pranga në duar, foto të dy rusëve dhe ukrainasit në Gjykatën e Elbasanit
• Spiunë apo turistë? Qytetarët të ndarë në mendime për incidentin në Gramsh