Shyti: Kërkesa për rihapjen e basteve e vonuar, nuk duhej të ishin mbyllur

Analisti sportiv, i cili ma parë ka qenë Kryetar i Shoqatës së Basteve, Artan Shyti e sheh si të vonuar propozimin e federatave sportive, për rikthimin e basteve në vend.

Në një intervistë për “Euronews Albania”, Shyti deklaroi se mbyllja e basteve sportive nuk duhej të kishte ndodhur dhe se koha trgoi që ishte një veprim i nxituar nga ana e qeverisë.

“E shoh të vonuar, unë kam qenë nga ata që kanë thënë që mbyllja nuk është zgjidhje. Sistemimi, rregullimi ligjor dhe zbatimi i ligjit ishte zgjidhja dhe koha tregoi që realisht ishte një veprim që u bë me nxitim, ishte i pastudiuar. Shpresoj që të rihapen dhe duhet të shoqërohet me diskutime e studime të mirëfillta që të jetë edhe më shumë në dobi të sportit. Shteti nuk duhet të bëjë gabimet që bëri, që hapi pika bastesh pa fund”, u shpreh ai.

Federatat sportive i kanë dërguar një propozim qeverisë, ku kërkohet rihapja e basteve sportive në vend.

Ditën e nesërme, do të ketë një dëgjesë publike nga kryeministri Edi Rama për këtë çështje, të organizuar nga Komiteti Olimpik Shqiptar.

LEXONI GJITHASHTU

• Vetëm bastet çonin 15 mln € në vit në arkën e shtetit
• Rihapja e basteve sportive, zbardhet peticioni për qeverinë nga federatat e sportit