Pilotët e Lufthansës në grevë sot, anuluan fluturimet nga Frankfurti dhe Mynihu 

Sindikata përfaqësuese e pilotëve të linjës ajrore gjermane Lufthansa ka shpallur një grevë sot pasi drejtuesit refuzuan kërkesat për rritje page.

Sindikata e ekuipazhit të fluturimit akuzoi Lufthansa-n se dështoi të përmirësonte ofertën e saj të mëparshme, “duke mos u lënë pilotëve zgjidhje tjetër veçse të hynin në grevë për të përmbushur kërkesat e tyre”, raporton AP.

Kompania tha se ofroi një rritje lineare prej 900 euro, që përfaqëson një rritje prej pesë për qind për pilotët e vjetër dhe një rritje prej 18 për qind për ata që sapo kanë filluar karrierën.

Sindikata ka kërkuar një rritje prej 5.5 për qind këtë vit dhe një rritje automatike të pagave të rregulluara nga inflacioni në vitin 2023. Përveç kësaj, pilotët po kërkojnë një sistem të ri pagash dhe pushimesh që linja ajrore tha se do të rriste kostot e punonjësve me rreth 40 për qind. 900 milionë euro në dy vjet.

Për shkak të grevës së paralajmëruar të pilotëve, Lufthansa po anulon të gjitha fluturimet e sotme të pasagjerëve dhe mallrave nga dy qendrat e saj më të mëdha Frankfurt dhe Mynih.

Bëhet fjalë për rreth 800 fluturime dhe anulimi do të prekë shumë pasagjerë që do të kthehen pas pushimeve verore.

LEXONI GJITHASHTU:

• ‘Lufthansa’ anulon 1 mijë fluturime, ‘bllokohen’ rreth 134 mijë pasagjerë