Kush e pason Gledis Nanon? Gazetari tregon 2 kandidatët e mundshëm

Gazetari i Euronews Albania Eni Ferhati tha se nuk ka një datë zyrtare për emërimin e pasuesit të Gledis Nanos zyrtarisht.

Aktualisht postin e Drejtorit të Përgjithshëm të Policisë së Shtetit e ushtron i komanduar zv. drejtori, Tonin Vocaj.

Dy janë emrat që po përfliten si kandidatë të mundshëm, por dhe që plotësojnë kushtet për emërimin, bëhet fjalë për Muhamet Rrumbullakun, aktualisht drejtor i Agjencisë së Mbikëqyrjes Policore dhe Lorenc Panganika, aktualisht drejtor i Policisë së Tiranës.

Ferhati sqaroi se Panganika ka gradën drejtues i parë që automatikisht i jep të drejtën për të kandiduar, ndërsa Rrumbullaku ka një tjetër specifikë.

Gazetari u shpreh se ai është jashtë organizatës së policisë pasi u lirua në vitin 2014, pas marrjes së pushtetit nga qeveria aktuale. Rrumbullaku nuk ka kaluar afatin 10-vjeçar që ka ushtruar poste të larta në Policinë e Shtetit, kështu që është vetëm procedura.

“Sipas burimeve ai do të japë dorëheqjen nga Agjencia e Mbikëqyrjes Policore që gjithashtu është përfolur se lidhet me lirimin nga detyra të Ardi Veliut si zv. ministër i Infrastrukturës pasi Ardi Veliu do të emërohet në krye të Agjencisë së Mbikëqyrjes Policore.

LEXONI GJITHASHTU:

• Ngjarjet që rrëzuan Gledis Nanon, 10 muajt në krye të Policisë së Shtetit