Skuadra e Kastriotit ngjitet në Superligë

Kastrioti ngjitet zyrtarisht ne Kategorinë Superiore të futbollit shqiptar, pasi u shpall fitues ne grupin A të Kategorisë së Parë.

Në ndeshjen e fundit të fazës play-off, krutanët pritën Erzenin e Shijakut në përballjen e luajtur në stadiumin “Redi Maloku” të Fushë Krujës.

Ndeshja u mbyll me fitoren 3-2 të krutanëve, ndërsa në fund u zhvillua edhe ceremonia e dorëzimit të trofeut.

Skuadra tjetër që do luajnë në superiore sezonin e ardhshëm është Apolonia që arriti të shpallej fituese në grupin B.

Ndërkohë ndeshja mes Kastriotit dhe fierakëve do përcaktojë edhe fituesin e Kategorisë së Parë. Këto dy skuadra do të zënë vendin e Flamurtarit dhe Luftëtarit në superior, të cilat kanë rënë zyrtarisht një kategori më poshtë.