Erdogan nis turin ballkanik në Bosnje, negocion krizën politike

Sarajeva ishte ndalesa e parë e turit të Recep Tayyip Erdogan në Ballkan. Presidenti i Turqisë, që historikisht ka lidhje të forta me rajonin, do të përpiqet të ndërmjetësojë krizën politike në Bosnje, të gjeneruara nga aspiratat për pavarësi të Republikës Serbe.

Lideri turk ka përfituar nga prania e tij në Ballkan për t’i dërguar mesazhe edhe Greqisë lidhur me përplasjen e gjatë të tyre për ujërat territoriale në Mesdhe dhe hapësirën ajrore mbi Egje.

Ai e akuzon Greqinë se ka ngritur baza ushtarake në ishuj që duhet të jenë të demilitarizuar dhe për pengimin e fluturimeve të avionëve turq gjatë misioneve të NATO-s.

“Nëse këto kërcënime ilegjitime vazhdojnë, atëherë ne do të bëjmë gjithçka që është e nevojshme në momentin e duhur”, u shpreh ai.

Erdogan foli edhe për krizën energjetike në Evropë, duke akuzuar presidentin Putin se po e përdor gazin si armë dhe duke shtuar se Turqia nuk ka asnjë problem me furnizimin me gaz.

Një mesazh ky, të cilin ai mund ta përsërisë gjatë turit treditor, që do ta çojë edhe në Serbi e Kroaci.

LEXONI GJITHASHTU

• Erdogan, mini-tur në Ballkan, e nis nga Bosnja
• Erdogan-liderëve europianë: Sanksionet ndaj Rusisë, fajtore për krizën energjetike