Penelope Cruz rikthehet në Festivalin e Filmit në Venecia

‘L’ immensita’ (‘Pafundësia’) është filmi që aktorja e njohur botërore Penelope Cruz prezanton në Festivalin e Filmit në Venecia, që mbyllet në 10 shtator.

Me regji të Emanuele Crialese, ‘L’ immensita’ është një nga pesë filmat italianë në garë për trofeun e ‘Luanit të Artë’.

Filmi shënon rikthimin e shumëpritur të Crialese në regji.

Penelope Cruz ndjeu se roli që regjisori kishte shkruar ishte shumë i mirë  e nuk mund të refuzohej.

Aktorja u shpreh se gjatë xhirimeve u bazua në instinktet e saj të nënës.

“Kam luajtur shumë rolet e nënave dhe edhe kur isha shumë e vogël sii me Pedro (Almodovar), kam bërë shtatë filma dhe në pesë prej tyre isha nënë. Ai më ka parë gjithmonë si nënë. Dhe mendoj se nuk është rastësi, kam një instinkt shumë të fortë amësor dhe ndihem e magjepsur se çfarë ndodh brenda”, u shpreh aktorja.

Në filmin që sjell Romën në vitet 1970, Penelope Cruz luan në rolin e Clara, një nënë e ngecur në një martesë të palumtur për hir të fëmijëve të saj.

Kur vajza e madhe, Adriana 12-vjeçare refuzon identitetin e saj femëror dhe dëshiron të bëhet djalë, ekuilibri i brishtë familjar arrin pikën e thyerjes.

LEXONI GJITHASHTU:

• Festivali i Filmit në Venecia, aktorja Catherine Deneuve merr ‘Luanin e Artë’