11 viktima, mbytet anija në Brazil 

Të paktën 11 persona humbën jetën dhe shumë të tjerë rezultuan të zhdukur, pasi një anije u mbyt në pjesën veriore të Brazilit, thanë zyrtarët.

Dje, skafi u largua nga ishulli Marajo në shtetin verior të Para dhe po shkonte drejt kryeqytetit të shtetit Belem, sipas një deklarate të Marinës braziliane, transmeton Reuters.

Një zyrtar i sigurisë publike i tha agjencisë britanike përmes e-mail-it se 63 njerëz ishin shpëtuar, 11 trupa ishin gjetur dhe se një kërkim ishte duke u zhvilluar për të gjetur njerëzit e mbetur që besohet se ishin në bord.

Në një deklaratë nga shërbimi zjarrfikës, thuhet se anija nuk kishte autorizimin për të transportuar pasagjerë në rrugën ujore ndërqytetare dhe se e nisi udhëtimin nga një port ilegal.

LEXONI GJITHASHTU:

• Mbytet gomonia me klandestinë në brigjet e Libisë, 11 viktima