Festivali i Venecias, Luani i artë i shkon filmit “Gjithë bukuria dhe gjakderdhja”

Festivali i Filmit në Venecia është mbyllur me çmimin Luani i Artë që i ka shkuar filmit “Gjithë bukuria dhe gjakderdhja”, e regjisores Laura Poitras.

Filmi është një dokumentar epik për fotografen Nana Goldin dhe aktivizmin e saj kundër një familjeje të fuqishme dhe lidhjeve të saj me botën e artit.

Aktorja më e mirë u shpall Cate Blanchett, e cila u vlerësua për performancën e saj në filmin e Todd Field, “TAR”, ku interpreton drejtuesen e një orkestre.

Aktori më i mirë u shpall ndërkohë Colin Farrell, për interpretimin e një burri që ka thyer miqësinë me shokun e tij të vjetër në “Shpirtrat e ishullit Inisherin”.

Juria i dha gjithashtu një çmim special filmit “Arinjtë nuk ekzistojnë”, që mban regjinë e artistit të burgosur iranian Jafar Panahi. Në korrik, regjisorit të njohur iu dhanë 6 vjet burg për një dënim të një dekade më parë, që nuk ishte zbatuar.

Urdhri erdhi në një kohë teksa qeveria në Republikën Islamike po përpiqet t’i mbyllë gojën kritikëve, teksa rritet pakënaqësia për gjendjen ekonomike dhe presioni politik.

LEXONI GJITHASHTU

• “Nuk ka drogë”, bullgarja në festivalin ilegal në Shqipëri: Njerëzit janë të lirë
• ‘Ukraina’ në festivalin e Venecias, solidaritet me popullin e prekur nga lufta