164 viktima dhe rreth 6700 raste me COVID-19 në Kosovë

Kosova raportoi të premten 6 viktima, 213 të infektuar dhe 109 të shëruar të tjerë nga COVID-19.

Autoritetet thanë se viktimat kishin sëmundje bashkëshoqëruese.

Prej nisjes së pandemisë së COVID-19, në Kosovë janë kryer 33,289 teste, prej nga ku janë diagnostikuar si të infektuar 6,680 persona.

Nga këta, 3,614 janë shëruar (55%), 164 kanë vdekur dhe 2,902 mbeten ende mbartës të virusit.

Kosova, bashkë me Shqipërinë, është ndër vendet që kryen më pak teste në rajon.

Në raport me popullsinë, Kosova kryen 18,600 teste për çdo 1 milionë banorë, ndërsa vdekshmëria nga COVID-19 ka shkuar në 91 vdekje për çdo 1 milionë banorë – pothuajse sa 2-fishi i vdekshmërisë në Shqipëri.