Kërkohej në Itali për 23 vjedhje, arrestohet shqiptari në Spanjë

Një shqiptar, identiteti i të cilit nuk bëhet i ditur është arrestuar në Spanjë.

Mediat e huaja, bëjnë me dije se shqiptari kërkohej nga Itali, pasi dyshohet  se është autor i 23 vjedhjeve të banesave në provincat e Milanos dhe Lodit.

Ngjarja u raportua nga agjencia Efe duke cituar një deklaratë të policisë.

“Burri u ndalua në një stacion autobusi në qytetin katalanas. Vjedhjet për të cilat ai po hetohet janë kryer në fund të vitit të kaluar. Hetuesit besojnë se i dyshuari ishte pjesë e një bande kriminale, e aftë për të grumbulluar para, bizhuteri dhe veshje luksoze. I burgosuri është në dispozicion të autoritetit gjyqësor, i cili do të vendosë nëse do të autorizojë ekstradimin e tij drejt Italisë.”- thuhet në njoftim.

LEXONI GJITHASHTU: 

• Sekuestrohen mallra të kontrabanduara, në pranga 59 vjeçari në Tiranë
• 100 kg drogë në garazh, arrestohet shqiptari në Itali, qeni e çon prapa hekurave