Rusët ‘shpëtojnë’ Turqinë, turistët e ndihmojnë të përballojë inflacionin

Turizmi në Turqi po rimëkëmbet pas dy vitesh të vështira për shkak të pandemisë.

Vizitorët e huaj janë burimi kryesor i të ardhurave në restorantin e peshkut të Niko Valdes, i cili ndodhet në bregun e Bosforit në Stamboll. Por këtë vit ai po përballet mes disa sfida.

“Për kartat e kreditit kemi problem të madh. Rusët që vijnë në restorant kanë karta krediti, kemi pajisjen por nuk funksionon.  Nuk është dicka e këndshme, unë nuk jam I lumtur, klientët e mi nuk janë të lumtur. Për rusët është e vështirë”, u shpreh ai.

Çdo biznes që mund të marrë Turqia është jetik për ekonominë e saj të vështirë, e cila tani po përballet me  një normë zyrtare inflacioni në më shumë se 80 përqind.

Kjo ka vënë në presion të madh popullaritetin e presidentit turk Rexhep Tajip Erdogan.

“Ekonomisti Can Selcuki tha se të ardhurat nga turizmi janë veçanërisht të rëndësishme këtë sezon pasi Erdogan do të përballet me zgjedhjet e tij më të vështira vitin e ardhshëm. Statistikat e qeverisë thonë se Rusia ishte burimi i dytë më i madh për sektorin kyç të turizmit të Turqisë me afro 2.2 milionë njerëz që e vizituan në 7 muajt e parë”, thotë Can Selcuki, ekonomist.

LEXONI GJITHASHTU

• 1,1 mld euro nga turistët, rekord të ardhurash në pjesën e parë të vitit
• Finlanda redukton vizat turistike për rusët