Ç’po ndodh me amerikanët? Studimi publikon gjetjet shqetësuese

Disa përfundime të pabesueshme janë publikuar nga një prej agjencive më serioze amerikane të sondazheve.

Gati 1/3 e amerikanëve besojnë se Shtetet e Bashkuara mund të pushtohen nga një fuqi e huaj dikur gjatë dekadës së ardhshme, sipas një sondazhi të fundit të agjencisë së mirënjohur YouGov që tregoi rreth një pesimizmi të thellë publik për të ardhmen e vendit.

Të pyetur mbi gjasat e 15 “skenarëve të tmerrshëm politikë” në 10 vitet e ardhshme, 31% e të anketuarve thanë se ishte të paktën disi e mundshme që SHBA-ja të pushtohej nga një vend i huaj. 12% mendonin se ishte shumë e mundshme.

SHBA-ja ka qenë fuqia dominuese qysh prej epokës së pasluftës dhe vazhdon të shfaqë forcën ushtarake më të përparuar në botë.

Megjithatë, rritja e shpejtë e Kinës për t’u bërë një kundërshtar i mundshëm në Azi dhe sfidat e vazhdueshme të sigurisë të paraqitura nga Rusia në Evropë, pavarësisht rënies së saj pas Luftës së Ftohtë, kanë shkaktuar shqetësime midis politikëbërësve në Uashington, ankthet e të cilëve duket se kanë rënë edhe mbi publikun e gjerë.

50% e të anketuarve nga YouGov thanë se SHBA-ja kishte të paktën disi të ngjarë të humbiste statusin e saj të superfuqisë në 10 vitet e ardhshme, duke përfshirë 20% që thanë se kjo ishte shumë e mundshme.

Të anketuarit kishin gjithashtu një perspektivë të zymtë për punët e brendshme të Amerikës.

47% të anketuarve mendonin se një “kolaps total ekonomik” ishte ose disi i mundshëm (27 %) ose shumë i mundshëm (20 %).

1 në 4 thanë se një luftë civile midis republikanëve dhe demokratëve ishte të paktën disi e mundshme, dhe mbi 1/3 (37%) ndiheshin në mënyrë të ngjashme për një luftë civile në përgjithësi.

Rreth 31% e të anketuarve thanë se ishte të paktën disi e mundshme që SHBA të bëhet “një diktaturë fashiste”, krahasuar me 21% që thanë se vendi mund të shndërrohej në “një diktaturë komuniste”.

Sondazhi i YouGov, i publikuar më 7 shtator, kreu intervista me mbi 1.000 amerikanë mbi 18 vjeç midis 1 dhe 4 shtatorit.

Ky nuk është i vetmi sondazh që ka nxjerr të tilla përfundime. Gjetje të ngjashme u publikuan edhe muajt e shkuar nga kompani të tjera sondazhesh.

LEXONI GJITHASHTU:

• 50% e amerikanëve presin që një luftë civile të ndodhë në vitet e ardhshme
• Shembulli i Shqipërisë për Shtetet e Bashkuara – dhe botën
• Çfarë e pret botën nëse Rusia ndërpret papritmas eksportin e uraniumit?