FOTO | Kush është 19-vjeçari i ekzekutuar në Shkodër

Euronews Albania ka siguruar foton e Erjon Xhenjes, 19-vjeçarit i cili u ekzekutua mbrëmjen e së dielës në Shkodër.

I riu i shërbente fermës dhe kuajve të Asmer Bilalit, një emër shumë i njohur në botën e krimit në qytetin verior.

Vrasja mendohet të jetë vazhdimësi e rivalitetit mes bandës së dy fiseve, Bajri dhe Lici.

Në lagjen “Zooteknike”, është gjetur i djegur në afërsi të portës së familjes Lici, motori që dyshohet se është përdorur nga autorët.

Xhenje u ekzekutua me breshëri plumbash, në brendësi të një lokali në lagjen “Kiras”.

Disa persona të paidentifikuar kanë qëlluar në drejtim të lokalit, duke e lënë të vdekur në vend të riun.

Erjon Xhenje pati një bisedë me të atin, rreth dy orë para se të ndodhte vrasja. Babai i kërkoi atij që të shkonte në shtëpi, pasi ishte errësuar.

I ati po shkonte në drejtim të Malit të Zi për t’u furnizuar me karburant, por diçka e ka penguar dhe është kthyer në banesë. Më pas, është informuar për ngjarjen e rëndë ku i biri ka mbetur i vdekur.

Gjatë komunikimit të tij me efetivë të policisë, babai u shpreh se djali i tij nuk kishte konflikte , por problemet i kishte nga kurshërinjtë e tij.

Shërbimet e Policisë Vendore dhe FNSH Shkodër vijojnë kontrollin e zonës për të bërë të mundur kapjen e autorëve.

LEXONI GJITHASHTU

• Shërbente te ferma e Asmer Bilalit, përplasja e bandave solli vrasjen e 19-vjeçarit
• VIDEO | Ekzekutimi në Shkodër, momenti kur babai identifikon trupin e të birit
• ‘Hajde në shtëpi, po errësohet’, çfarë i tha babai të birit para vrasjes