Avokati Hoxha: Çdo dokument që përbën sekret shtetëror s’duhet publikuar

Avokati Arbër Hoxha, është shprehur se çdo dokument që përbën sekret shtetëror s’duhet të publikohet.

Në një intervistë për Euronews Albania, tha se dokumentet sekrete janë atribut i Prokurorisë gjatë hetimeve dhe atribut i Gjykatës kur jepet gjykimi për çështjen.

“Në rastin konkret, Prokuroria e rrethit gjyqësor Tiranë, nuk po zbaton as më shumë e as më pak ligjin procedurial penal. Neni 103 flet qartë për ndalimin e publikimit të dokumenteve që përbëjnë sekret shtetëror. Çdo dokument që përbën sekret shtetëror pavarësisht mënyrës së si është siguruar ai nuk duhet të publikohet. Ai nuk duhet të publikohet gjatë hetimeve paraprake dhe gjatë gjykimit. Gjatë hetimeve është atribut i Prokurorisë dhe gjatë gjykimit është atribut i gjykatës.”- shprehet avokati.

Prokuroria e Tiranës ka marrë vendimin që të dhënat të cilat bëhen publike nga autorët të cilët qëndrojnë pas sulmeve kibernetike, nuk duhet të publikohen më tej nga mediat.

“Prokuroria ka vendosur që asnjë e dhënë e botuar nga autorët e sulmit kibernetik të mos publikohet nga mediat audiovizive, të shkruara, online, në rrjete sociale apo në çdo formë të publikimit apo transferimit të të dhënave që postohen nga autorët e këtij sulmi kibernetik mbi sistemin TIMS të Policisë së Shtetit.

Autorët e sulmeve kibernetike në Shqipëri kanë publikuar të hënën email-et zyrtare ku tregoheshin planet për të eliminuar Albin Kurtin dhe Lulzim Bashën. Ndërkohë, kanë nxjerrë detaje edhe për të shumëkërkuarin Talo Çela.

LEXONI GJITHASHTU:

• Prokuroria u ndalon mediave publikimin e çdo të dhëne të nxjerrë nga hakerat
• Sa rrezikuar është Shqipëria nga sulmet terroriste? Hakerat publikojnë dokumentin