Arben Imami firmosi për privatizimin e kompleksit Partizani, thotë ish-drejtori

Ish-drejtori i klubit sportiv Partizani, Isa Tare deklaroi se ish-ministri i Mbrojtjes, Arben Imami ka përgjegjësinë kryesore për privatizimin e truallit ku ushtronte aktivitetin skuadra kryeqytetase.

Në një intervistë për “Euronews Albania”, Tare u shpreh se Imami ka firmosuar për ta privztuar truallin, sipas tij, në mënyrë të padrejtë.

Tare tha se SPAK duhet të marrë në pyetje Imamin në lidhje me këtë çështje.

“Në radhë të parë, ish-ministri i Mbrojtjes, Arben Imami ka përgjegjësinë kryesore, ia ka kaluar pronarëve padrejtësisht, kur pronarët që në kohën e Italisë janë shpërblyer për këto gjëra. Ka dokumente në Firence, të gjitha dokumentat ku janë shpërblyer dhe kanë marrë paratë, ekzistojnë të gjitha në Itali. Fatmir Mediu nuk ka qenë ministër i Mbrojtjes, por ndoshta ka dijeni. Arben Imami duhet të ishte kryesori.

Ish-ministri i Mbrojtjes, Fatmir Mediu është thirrur këtë të mërkurë si deklarues për hetimin që ka nisur për privatizimin e ish-kompleksit “Partizani”, privatizim i kryer në kohën kur ai ishte ministër.

Kallëzimi për aferën e privatizimit të ish-kompleksit “Partizani” ku është ndërtuar një kompleksh pallatesh, është bërë nga kryetari i Grupit Parlamentar të Partisë Socialiste, Taulant Balla.

LEXONI GJITHASHTU

• Ish-drejtori i klubit Partizani: Privatizimi u bë me ndërhyrjen e Sali Berishës
• ‘U thirra për një hetim’, Fatmir Mediu flet pas marrjes në pyetje nga SPAK
• Ish-ministri i Mbrojtjes, Fatmir Mediu thirret si deklarues në SPAK