150 milionë euro për Belingam, Reali e Liverpooli në garë

Dëshira për ta pasur në klub është e madhe, edhe konkurrenca po ashtu, por Xhyd Belingam vlen 150 milionë euro.

Mesfushori që luan në Bundesligë me Dortmundin është ndër emrat më të përfolur në merkaton e transferimeve. 19-vjecari luan sezonin e tij të tretë tek verdhezinjtë dhe është kthyer në një titullar absolut. Klubet e mëdha evropiane synojnë ta bëjnë të tyrin anglezin, por Dortmundi mbetet një pengesë.

Pavarësisht se lojtarin e bleu për 25 milionë euro, klubi tani kërkon plot 150 milionë, raporton Daily Mail. Pas tij janë vënë Manchester City, Manchester United, Chelsea, Liverpool dhe së fundmi Reali I Madridit. Gjermanët ia dinë potencialin dhe absolutisht nuk kanë ndërmend ta lënë të lirë lojtarin.

Klopp është një fans i talentit anglez, ndërkohë që të kuqtë tentuan ta trasnferojnë Belingam që në moshën 9-vjecare, por akordi nuk u arrit. E njëjta gjë ndodhi dhe me Haaland, me norvegjezin që në merkaton e verës u bë pjesë e Manchester Cityt.

Belingam ka shënuar 4 gola me verdhezinjtë, ndërkohë që është thirrur dhe nga kombëtarja e 3 luanëve. Që prej transferimit në Gjermani, 19-vjecari është dëmtuar vetëm dy herë, duke treguar një formë konstante.

LEXONI GJITHASHTU:

• Bajerni i Mynihut arrin marrëveshjen me Liverpul për transferimin e Sadio Mane