Gent Zenelaj i vendos vetes notën 8…ja për çfarë?

Në një intervistë për emisionin “Goodmorning Albanians” në Euronews Albania, aktori Gent Zenelaj tregoi me çfarë note e vlerëson veten si artist, moderator dhe prind.

“Do thosha një 8 te të tria, se dhjeta është për profesorin”, tha Zenelaj.

Aktori ftoi njerëzit të shkojnë në teatër për të përjetuar emocionet e shfaqjeve.

“Duhet të vijnë sepse bileta e teatrit është më e lirë se bileta e kinemasë dhe ma besoni, magjia e teatrit është 100 herë më e madhe se magjia e kinemasë, pra teatri është nona,” – u shpreh Zenelaj.

“Ëndrra e një natë vere”, ku luan dhe vetë aktori është një nga komeditë më të bukura të Shekspirit që po vijon që të shfaqet së fundmi në skenën e Amfiteatrit të liqenit në Tiranë.

Nga data 20 e deri mbrëmjen e sotme, publiku do të ketë mundësi të shijojë një interpretim fantastik  të disa prej aktorëve më të mirë që ne kemi, me regjinë e Driada Dervishit.

“Ëndrra e një nate vere” është e vënë në skenë enkas për ambient të hapur sepse përmbush ëndrrën e çdo artisti për të interpretuar nën yje, jashtë skenës statike të teatrit. Jo më kot ajo ka “shëtitur” në shumë mjedise të tilla dhe kudo publiku e ka përqafuar.

LEXONI GJITHASHTU:

• Aktorët korçarë kundër zhdukjes së filmave të vjetër shqiptar