Të djathtët mbajnë mitingjet e fundit para zgjedhjeve të së dielës në Itali

Fushata elektorale në Itali ka pasur një atmosferë festive, pavarësisht rëndësisë së zgjedhjeve të së dielës. Koalicioni i së djathtës dominon në sondazhe dhe liderja e “Vëllezërve të Italisë”, Giorgia Meloni mund të bëhet kryeministrja e parë femër e një vendi themelues të BE-së.

Liderët e së djathtës u mblodhën, në kuadër të përpjekjeve të fundit, për të bindur votuesit e pavendosur por edhe për të përshëndetur mbështetësit e shumtë që kishin ardhur për t’i takuar, pavarësisht masave të sigurisë.

Nisur nga pjesëmarrja e madhe, mund të thuhet se ata u pritën përzemërsisht nga turma. Kishte shumë optimizëm në atmosferë pasi koalicioni i së djathtës udhëheq në sondazhet e mbajtura para vendosjes së embargos së tyre, dy ditë para zgjedhjeve.

Në këtë shesh, të premten, koalicioni i majtë do të mblidhet për mitingun final dhe sfida kryesore e tij do të jenë numrat. Dy kampet garojnë se kush mbledh më shumë mbështetës. Por vetëm të dielën do të zbulojmë nëse numrat janë apo jo një tregues se kush do të arrijë fitoren në zgjedhje.

LEXONI GJITHASHTU:

• Zgjedhjet në Itali/ Meloni përballet në debat televiziv me Enrico Letta
• Zgjedhjet në Itali, koalicioni i krahut të djathtë kryeson në sondazhe