Hakerët rusë vodhën dokumente sekrete nga e-mail-i i ministrit britanik për të ndikuar zgjedhjet

Reuters ka raportuar se hakerët rusë kanë nxjerrë dokumente tregtare tepër delikate para zgjedhjeve të vitit 2019 në Britani, në përpjekje për të ndikuar rezultatet.

Sipas lajmit, hakerët kanë hyrë disa herë në llogarinë e Liam Fox në korrik dhe në tetor të vitit 2019.

Foks ishte ministri ndërkombëtar i tregtisë në kabinetin  e Tereza Mejit, por e humbi rolin më 24 korrik.

Është e paqartë nëse janë hakuar e-mail-et e ministrisë apo të parlamentit, por mes informacionit të vjedhur ka pasur detaje për negociatat midis SHBA-ve dhe Britanisë së Madhe.

Dominik Raab, Sekretari i Punëve me Jashtë, ka akuzuar se ka pasur aktorë rusë që kanë ndërhyrë me zgjedhjet e vitit 2019, duke marrë dokumente të rëndësishme në mënyrë të paligjshme dhe duke i përhapur në rrjete shoqërore.

Xheremi Korbin, që në atë kohë ishte kandidati për kryeministër i opozitës, tha se dokumentet e hakuara tregonin se konservatorët kishin në plan të përfshinin Shërbimin Shëndetësor të Britanisë në një marrëveshje tregtare me SHBA-të.

Një zëdhënës i qeverisë tha se kanë nisur hetimet për mënyrën se si janë marrë dokumentet, ndaj që tani e tutje nuk mund të japin komente mbi ngjarjen.

Agjencia Britanike e Krimit Kibernetik ka punuar me të gjitha forcat politike për hetimin si dhe për të shtuar mbrojtjen kundër sulmeve.

Liam foks, ndërkohë, është propozuar nga Britania si Drejtori i Përgjithshëm i Organizatës Botërore të Tregtisë, detyrë që pritet ta marrë muajin që vjen.