“Do dëgjohet zëri i drejtësisë”, gazetari komenton veprimet e Ramës ndaj Ahmetajt

Gazetari Astrit Lumezi u shpreh në një intervistë për Euronews Albania se tani që Arben Ahmetaj nuk ka asnjë post politik, shumë shpejt mund të flasë drejtësia.

“Nuk besoj që Rama është ndikuar nga akuzat e opozitës sepse atyre akuzave iu ka dhënë përgjigje, por e ka mbajtur Ahemtaj rreth vetes duke i dhënë një mbështetje politike, paprekshmërie. Në momentin që zhvishet nga të gjitha postet, atëherë kjo do të thotë që duhet të jetë shumë afër dëgjimi i zërit të drejtësisë. Për mua është një pikëpamje e madhe që z. Rama ka akses tek drejtësia dhe di se cilat do të jenë hapat e mëtejshme të saj. Do ishte mirë që ai të qartësohej për akuzat”, u shpreh Lumezi.

Pas 9 vitesh Arben Ahmetaj nuk do të ketë asnjë post të rëndësishëm në Partinë Socialiste.

Një ditë më parë, kryeministri Rama vendosi ta largonte edhe nga drejtimi i qarkut të Vlorës. Tanimë ai do të ushtrojë vetëm detyrën e deputetit.

Arben Ahmetaj e ka nisur angazhimin në Partinë Socialiste që në kohën kur në pushtet ishte Fatos Nano.

LEONI GJITHASHTU:

• Si u la në hije Ahmetaj, një prej bashkëpunëtorëve më të ngushtë të Ramës
• “Çoi informacione te Meta për inceneratorët”, gazetari flet për krisjen Rama-Ahmetaj
• Përplasjet në Bashkinë Shkodër, Bilali: Disa anëtarë punojnë për interesat e veta