Eksperti: Zgjedhjet vendore, një nga arsyet pse qeveria këmbëngul për amnistinë

Eksperti i ekonomisë, Gent Beqiri, thotë se këmbëngulja e qeverisë për të miratuar projektligjin për aminstinë fiskale mund të lidhet edhe me zgjedhjet e ardhshme vendore.

Në një intervistë për “Euronews Albania”, Beqiri u shpreh se në të tilla raste lehtësohen individë të cilët do duhet të ishin subjekt i agjencive ligjzbatuese, por bëhen subjekt i pastrimit të parave dhe kanë mundësi për të bërë biznes.

“Ndoshta urgjenca lidhet me situatën ekonomike, me nevojën për të grumbulluar më shumë para; ndoshta dhe zgjedhjet e vitit të ardhshëm janë një element që bëjnë pjesë në këtë paketë. Normalisht, këta individë, në vend që të jenë subjekt i agjencive ligjzbatuese, bëhen subjekt i pastrimit të parave apo mundësisë për të bërë biznes.

Është e kuptueshme që ka disa kohë që edhe qeveria edhe kryeministri e kanë lançuar atë, bazuar edhe në fushatën e pyetjeve me publikun. Ka shumë çështje dhe shqetësime që duhen të ngrihen”, theksoi ai.

Ditën e djeshme, kryeministri Edi Rama është shprehur i vendosur për të vijuar me nismën e qeverisë për amnistinë fiskale dhe penale për paratë e shqiptarëve.

Pas mbledhjes së Këshillit të Ministrave, numri një i qeverisë theksoi se amninistia do të bëhet sepse e kërkon shumica e shqiptarëve.

LEXONI GJITHASHTU

• Rama takon sot ambasadorët për amnistinë fiskale
• Amnistia fiskale, Rama i vendosur: Do bëhet, paratë e shqiptarëve do legalizohen
• Prezantohet projektligji për Amnistinë Fiskale, do të aplikohet për 9 muaj