Ministri i Jashtëm çek: Nuk kemi një datë për liberalizimin e vizave për Kosovën

Ministri i Jashtëm i Çekisë, Jan Lipavsky deklaroi se po punohet për të shtyrë përpara procesin e liberalizimit të vizave për Kosovën, por theksoi senuk mund të parashikohet një datë e saktë se kur mund të ndodhë.

Në konferencën e përbashkët për media në Prishtinë me zëvendëskryeministrin e Kosovës Besnik Bislimi, kryediplomati çek tha se përkrahin Kosovën edhe në çështjen e sundimit të ligjit dhe anëtarësimit në organizata ndërkombëtare si NATO dhe BE.

“Mesazhi ynë është i qartë, qytetarët e Kosovës mund të llogarisin në përkrahjen çeke sa i përket sundimit të ligjit, por edhe anëtarësimit në organizata ndërkombëtare përfshirë BE-në e NATO-n. Dua të theksoj se Ballkani Perëndimor, përfshirë Kosova, është ndër prioritetet rajonale.

Përpjekjet tona fokusohen tek të bërit progres në procesin e integrimit, përfshirë edhe liberalizimin e vizave. Aty duhet të bëhet ende punë, por jemi në rrugë të drejt dhe shpresojmë se do të gjejmë përkrahje politike që ky proces të përfundojë”, nënvizoi ministri.

LEXONI GJITHASHTU

• Ministri i Jashtëm çek viziton sot Kosovën
• Vuçiç: Presion ndaj Serbisë, ndërkombëtarët duan të zgjidhin çështjen e Kosovës
• Berisha: Rama bën avokatin e Beogradit duke i kërkuar Vuçiç njohjen e Kosovës