Profesori i ekonomisë: Amnistia fiskale do të prishë rregullat e lojës për bizneset

Profesori i ekonomisë Selami Xhepa tha se amnistia fiskale do të prishë rregullat e lojës për të gjithë bizneset.

Dhomat e tregtisë janë shprehur kundër për këtë çështje, pikërisht sepse iu cenohen interesat e ekonomisë.

Xhepa tha se për Bashkimin Europian nuk është shqetësim, pasi ata nuk janë shprehur kundërshtues në standardet, pra nuk janë shprehur kundërshtues në parim për mundësinë e një amnistie fiskale.

Sa i takon këmbënguljes së kryeministrit për t’i shkuar deri në fund kësaj nisme me gjithë rreziqet që ajo mbart, Xhepa deklaroi se nuk e kuptonte.

“Me Bashkimin Europian mund të gjendet rruga e përbashkët duke bërë amendimet e rregullave, të ligjit për ta sjellë atë në përputhje me standardet që kërkojnë partnerët tanë dhe për ta zbatuar këtë reformë, kështu që kjo është e pakuptueshme,” – u shpreh profesori.

LEXONI GJITHASHTU:

• Amnistia fiskale, Ibrahimaj: Ka një listë të gjatë të individëve që nuk përfitojnë