Shqiptarët të përfshirë në planin për rrëmbimin e ministrit belg? Flet gazetari

Gazetari Fatos Mahmutaj, thotë se policia në Belgjikë ka bërë të ditur identitetin e pesë personave, të cilët dyshohen si organizatorë për rrëmbimin e ministrit belg të Drejtësisë Vincent Van Quickenborne, që rezultoi i dështuar.

Në një intervistë për “Euronews Albania”, Mahmutaj u shpreh se në mesin e këtyre personave nuk ka shqiptarë.

Sipas tij, ministri belg ka ngritur tonet kundër mafies së huaj kohët e fundit.

“Ministri i Drejtësisë belge disa herë ka ngritur tonet kundër mafies së të huajve, pra trafikut të drogës. Para një jave, para banesës së tij u arrestua një i dyshuar. Në makinën e tij u gjetën një armë zjarri, armë të ftohta dhe ngjitës. Ministri aktualisht mbahet nën masa të larta sigurie, bashkë me familjen e tij. E vetmja dalje e parë publike ishte dje, gjatë një ceremonie zyrtare në parlament.

Është sjellë me forca speciale dhe është larguar me forca speciale.  Nuk ka dalje publike të tij. Policia belge ka publikuar identitetet e 5 personave, 5 baronëve të drogës që janë atakuar shpesh nga ministri. Të pestë baronët e drogës, të cilët janë akuzuar si organizatorë, janë në kërkim. Nuk janë shqiptarë, janë marokenë dhe italianë”, theksoi ai.

LEXONI GJITHASHTU

• 4 shqiptarët që u ekzekutuan muajt e fundit në Belgjikë, gazetari jep detaje
• A kanë “dorë” shqiptarët? Tentohet rrëmbimi i ministrit belg të Drejtësisë
• Ambasadori gjerman: Targeti i riciklimit në Shqipëri është i ulët, mbetjet të ndahen