Shpërblimet e fundvitit, pensionistët rrezikojnë të mbeten pa “gjelin e detit”

Projektbuxheti i “shtrëngimit të rripave” për 2020-n, vë në pikëpyetje shpërblimin me 5 mijë lekë për pensionistët, i njohur si shpërblimi i gjelit të detit.

Ministria e Financave nuk e ka llogaritur këtë shpenzim në projekt-tabelat e saj fiskale dhe nga ana tjetër ministrja e Financave, Anila Denaj nuk ka dhënë ende një përgjigje përfundimtare lidhur me këtë shqetësim. Por, enigma do të zgjidhet pa diskutim në muajin dhjetor.

Në vitin 2010, numri i pensionistëve në vend ishte 543 mijë, kurse në fund të vitit 2018 numri i tyre u rrit me 20 për qind. 

Për 2019 janë shtuar rreth 14 mijë vetë, duke çuar në 650 mijë numrin e pensionistëve.

Çdo vit skema e shpërblimit kushton më shtrenjtë. Nëse Ministria e Financave do të vendosë për shpërblimin e fundvitit, vlera e tyre do t’i kushtojë 26 milionë euro buxhetit të shtetit.