Vuçiç: Serbia të harmonizojë politikën e vizave me BE-në deri në fund të 2022-shit

Presidenti serb, Aleksandër Vuçiç tha u dakordësua me kreministrin hungarez, Viktor Orban dhe kancelarin austriak Karl Neuhammer, që Serbia të reduktojë ndjeshëm politikën e vizave me BE-në deri në fund të vitit, për shkak të rritjes së numrit të refugjatëve, që e përdorin këtë shtet si vend hyrës për migracionin ilegal.

Vuçiç tha se në vendin e tij, ka një rritje të re të ardhjes së refugjatëve sirianë dhe pakistanezë dhe nga ana tjetër, 17.600 persona kanë ardhur nga Rusia dhe Ukraina, shkruan Euronews Serbia.

“Kemi një rritje të refugjatëve nga Afganistani, Siria, Pakistani dhe vende të tjera. Njëkohësisht kemi ardhjen e njerëzve nga Rusia, nga sot kemi regjistruar 17 mijë persona me banim në Serbi nga Rusia dhe Ukraina së bashku. Kjo nuk është një barrë e vogël për një vend relativisht të vogël si Serbia”, shtoi ai.

Vuçiç theksoi se nuk dëshiron  që Serbia të jetë pikë e nxehtë kalimi për emigrantët, por se do të vazhdojë të solidarizohet me ata njerëz.

Sipas tij, Serbia do të respektojë gjithmonë të drejtën ndërkombëtare, edhe në rastin e migrantëve.

LEXONI GJITHASHTU

• 1 milion paund në javë, fitimi i shqiptarit që dërgon emigrantë në Britaninë e Madhe
• Të paktën 71 emigrantë të vdekur nga mbytja e varkës në brigjet e Sirisë
• Vala e emigrantëve në Austri, 400 persona kalojnë kufirin çdo ditë