Protesta e pedagogëve, reagon Meta: Kërkesat plotësisht të realizueshme

Kryetari i Partisë së Lirisë, Ilir Meta, deklaroi se kërkesat e pedagogëve janë tërësisht legjitime dhe plotësisht të realizueshme.

Sipas Metës, rritja e pagave është një proces që mund të kryhet lehtësisht, ndaj ai shpreh solidaritet të plotë me protestën e tyre.

Ashtu siç dhe kishin paralajmëruar, pedagogët po zhvillojnë një protestë në Tiranë, ku kërkojnë plotësimin e disa kushteve në universitete.

Çështja kryesore është rritja e pagave për pedagogët dhe asistentët. Më pas, rritja e financimit për kërkimin shkencor apo rritja e pagës për orët shtesë janë disa nga kërkesat e tjera, pa plotësimin e të cilave ata nuk pranojnë të hyjnë në auditorë.

LEXONI GJITHASHTU:

• “Nuk hyjmë në auditorë”, pedagogët kërkojnë rritje pagash