Incidentet në derbin e kryeqytetit, disiplina dënon Tiranën dhe Partizanin
Tirana dhe Partizani janë dënuar nga komisioni I disiplinës për incidentet e regjistruara gjatë ndeshjes së derbit.
Në një njoftim zyrtar të bërë në faqen e Federatës Shqiptare të Futbollit bëhet me dije se të dyja skuadrat janë gjobitur me masën prej 200 mijë lekësh, ndërkohë që do të duhet të rikuperojnë dëmet e shkaktuara në stadiumin Air Albania. Të gjitha këto u shkaktuan nga tifozëritë e të dyja klubeve.
Kryendeshja e javës së 6-të të Superligës Shqiptare mes Partizanit dhe Tiranës u mbyll në rezultatin 0-2 për bardheblutë.
Përgjatë gjithë ndeshjes pati hedhje të sendeve në fushë, madje dhe stola të thyer, për të cilët tashmë klubet duhet të paguajnë dëmet e tifozëve të tyre. Në shkallët e impiantit më të madh sportive në vend ishin afro 12 mijë të pranishëm.
Redon Xhixha ishte heroi I ndeshjes, duke realizuar një dygolësh dhe duke I dhënë fitoren Tiranës. Të dyja skuadrate mbyllën ndeshjen me nga 1 lojtar më park, ku fillimisht Lulaj u ndëshkuar me karton të kuq tek miqtë, ndërkohë në minutat e fundit ishte radha e Masangës.
Partizani aktualisht renditet në krye të tabelës së klasifikimit me 12 pikë, ndërkohë Tirana është në vendin e dytë.
LEXONI GJITHASHTU
Maran e nis me humbje, Izraeli mposht Shqipërinë në miqësoren me tensione
Sherr në fushë pas golit të Izraelit, Glouk provokon! Tifozët thërrasin “Palestinë”
Botërori 2026, miliona turistë dhe miliarda fitime
- 08:50 Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq
- 08:43 Dhoma e Përfaqësuesve miraton masën për t’i dhënë fund luftës në Iran
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet