Operacioni “Porositësi”, Fatjon Hajdari: Vëllai kishte njohje me vëllezërit Beqiraj

Fatjon Hajdari, një nga të arrestuarit në kuadër të operacionit policor të koduar “Porositësi”, u la i lirë këtë të enjte nga Gjykata e Durrësit.

Ndërsa, për vëllanë e tij, Alban Hajdari u caktua masa e sigurisë “Burg me afat 45 ditë”.

Fatjoni u shpreh për mediat se asnjë nga personat në sallën e gjyqit, nuk pranuan akuzat për të cilën akuzoheshin, teksa shtoi se i vëllai kishte njohje me dy vëllezërit Beqiraj.

“Asnjë nuk pranoi akuzën nga ata personat. Thanë se i kemi shitur, i kemi blerë armët. Këtë e bëjnë për të përfituar azil të ikin jashtë shtetit. Kanë bërë krimet e veta dhe tani kanë shtuar edhe këtë për shitje armësh, duan vetëm të ikin jashtë shtetit që ti mbrojë shtetit.

“Jo, unë jo kishte vëllai, i njeh. Kanë bërë shpifje. Kanë kontrolluar banesat dhe kanë shpifur për vëllanë. Kur erdhën tek banesa jonë më gjetën armë me leje. Përderisa sa i kanë armët me leje më liruan sot. Ata të tjerët i mbajtën sërish 45 ditë. Kanë shpifur dy persona, kanë armë me leje. Vëllai është Alban Hajdari”, u shpreh ai.

Gjykata e Durrësit ka vendosur masën e sigurisë “Burg pa afat” për dy vëllezërit Indrit dhe Gentian Beqiraj si dhe për punonjësin e Policisë së Burgjeve, Flamur Bejko.

Në kërkim janë shpallur pesë të tjerë, ndër to, edhe Aleksandër Laho, i njohur ndryshe si “Rrumi i Shijakut”.

Dyshohet se Laho organizoi rrëmbimin e dy vëllezërve Beqiraj në autostradën Tiranë-Durrës, pasi këta të fundit po planifikonin ta vrisinin.

LEXONI GJITHASHTU

• Planifikonin vrasjen e “Rrumit të Shijakut”, lihen në burg dy vëllezërit Beqiraj
• Shpallet në kërkim “Rrumi i Shijakut”, i përfshirë në rrëmbimin e dy vëllezërve
• 2 vëllezërit Beqiraj po planifikonin vrasjen e ‘Rrumit të Shijakut’ (DETAJET)