Racizëm ndaj blogeres angleze në Shqipëri. Pronarja e hotelit: Kërkoi 2 ditë falas 

Një blogere e njohur angleze ka shpërndarë në Tik Tok një video ku sipas saj tregohet agresioni dhe racizmi me të cilin është përballur në një hotel në Ksamil.

Dorela Pashaj, pronarja e hotelit, në një lidhje me emisionin “Good Morning Albanians” sqaroi se si kishte ndodhur e gjithë përballja me blogeren angleze duke hedhur poshtë pretendimet për dhunë dhe racizëm.

“Ka ardhur në hotel në orën 23:32 të darkës, nuk kishte bërë asnjë lloj njoftimi, përveç booking. Konflikti ka nisur gjatë natës, pasi nuk donte të bënte pagesën. I mora pasaportën; bëri debat duke thënë se kishte udhëtuar në të gjithë botën dhe s’i kishte kërkuar njeri pasaportën. Në mëngjes donte të ikte pa paguar”, tregoi Pashaj.

Sipas Pashaj, nëna e saj nuk e kishte prekur me dorë blogeren, vetëm i kishte kërkuar të mos bërtiste pasi ishte mëngjes dhe po shqetësonte klientët e tjerë.

“Mami s’e ka prekur me dorë, as nuk ka shprehur racizëm. I ka thënë ‘mos je çmendur’, se po ulërinte në 7 të mëngjesit. I kam dhënë pasaportën dhe i kam thënë të ikë”, tha Pashaj.

GMA fton blogeren në program për të sqaruar situatën, por ajo kërkoi pagesë në këmbim të ardhjes.

LEXONI GJITHASHTU:

• Orikumi pastër dhe lirë, turizmi familjar favorizohet nga çmimet
• Turizmin e dominojnë shqiptarët, në qershor u shfrytëzuan 22.9% e kapaciteteve