Superjahti i miliarderit rus shfaqet në mënyrë misterioze në Hong Kong

Një megajaht i lidhur me një oligark rus të sanksionuar ka hedhur spirancën në Hong Kong, mes përpjekjeve të Perëndimit për të kapur asetet luksoze të elitave ruse në portet aleate ndërsa lufta në Ukrainë po zvarritet.

Nord, një jaht gati 142 metra i gjatë që thuhet se është një nga më të mëdhenjtë në botë, u pa nga CNN të premten në ujërat e Hong Kongut, vetëm disa minuta nga rrethi qendror i qytetit. Jahti vlerësohet të jetë me vlerë të paktën 500 milionë dollarë dhe besohet se i përket Alexey Mordashov, një miliarder industrial, sipas një ndërmjetësi jahtesh që foli me CNN.

Jahti, 1.5 herë më i madh se një fushë futbolli amerikan, mbërriti në Hong Kong të mërkurën nga porti rus i Vladivostok, sipas Departamentit Detar të qytetit kinez.

Mordashov është një nga miliarderët më të pasur të Rusisë, me një vlerë neto të pasurisë të vlerësuar prej 18.7 miliardë dollarë, sipas Indeksit të Miliarderëve të Bloomberg. Kjo pasuri është ulur me 10 miliardë dollarë deri më tani këtë vit, sipas gjurmuesit të pasurisë.

Manjati është kryetar i Severstal, një gjigant rus i çelikut dhe minierave. Departamenti i Shtetit i SHBA-së e sanksionoi atë dhe Severstal në qershor, përveç tre kompanive të tjera të Mordashov, gruan e tij dhe dy fëmijët e rritur.

Në një deklaratë në atë kohë, Sekretari Amerikan i Shtetit Antony Blinken tha se Departamenti i Thesarit po ndërmerrte veprime të mëtejshme për të “degraduar rrjetet që lejojnë elitat e Rusisë, përfshirë Presidentin Vladimir Putin, të përdorin në mënyrë anonime asete luksoze në mbarë globin”.

LEXONI GJITHASHTU:

• ‘Mos negocioni me Putin, është bandit’, ish-oligarku rus paralajmëron Evropën
• Jahti i sekuestruar i oligarkut rus shitet në ankand