Administratori i Albgaz: Kur do të vihen në funksion TEC-et lundruese në Vlorë

Administratori i Albgaz, Arbër Avrami thotë se TEC-et lundruese në Portin e Vlorës, do të fillojnë të prodhojnë energji në fund të këtij viti ose në fillim të vitit të ardhshëm.

Në një intervistë për Euronews Albania, Avrami u shpreh se Shqipëria është me fat që ka dy asete të tilla, pasi TEC-et lundruese janë shumë të kërkuara në këtë kohë krize.

“Anijet kanë ardhur, ka nisur një punë mjaft intensive për të gjithë ndërtimin e infrastrukturës, që nga porti, ku do të ankorohen deri në lidhjen me rrjetin e transmetimit. Pritet që komisionimi i këtyre anijeve të përfundojë brenda fundit të vitit ose fillimit të vitit tjetër. Jemi me fat që kemi dy asete të tilla në Shqipëri, sepse ka një numër mjaft të limituar të këtyre TEC-eve lundruese që ekzistojnë në botë, janë  mjaft të kërkuar në këtë kohë krize.

Parashikohet një kosto prej 170-200 euro për megavat, në krahasim me 455 euro në dy tre mujoret e para të vitit 2023 dhe 550 euro në tremujorin e fundit të vitit 2023. Është një kursim mjaft i madfh që do t’i bëhen importeve që do të nevojiten”, theksoi ai.

LEXONI GJITHASHTU

• Buxheti 2023, Ibrahimaj: S’do ketë rritje të çmimit të energjisë për familjarët
• Qeveria zgjat deri më 30 qershor 2023 gjendjen e emergjencës për energjinë elektrike
• Çmimi i energjisë, ERE: Hiqet fasha 800 kwh për tetorin