“E zhveshi dhe e rrahu”, nëna akuzon 40-vjeçarin se ka ngacmuar seksualisht djalin

Ativie Qazimllari, në Porodinë të Korçës ka akuzuar komshiun e saj se ky i fundit ka rrahur dhe abuzuar seksualisht me djalin e saj me probleme të shëndetit mendor.

Për mediat ajo tha se 40-vjeçari në mënyrë periodike ka ushtruar dhunë fizike dhe verbale ndaj tyre.

Ndër të tjera ajo shton se edhe policia ka qenë në dijeni të kësaj ngjarje por nuk ka vepruar. Sipas saj gjithçka ka ndodhur 4 muaj më parë dhe se ndihet e frikësuar për veten dhe të birin.

Nevruze Myrtellari shton se denoncimi në polici është i pabazë dhe se gjithçka është e stisur.

“Ma ka zhveshur djalin nga gjysma e trupit e poshtë dhe nuk e di a i bëri gjë apo jo.  Kam vajtur në polici, por nuk e kanë marrë parasysh. Kam bërë 9 herë denoncim por nuk ma kanë vënë veshin”- tha ajo.

Nga ana tjetër e ëma e Dionis Myrtellarit ka hedhur poshtë çdo akuzë duke thënë se djali i saj asnjëherë nuk e ka zhveshur apo goditur djalin e Ativies apo edhe vetë këtë të fundit.

“Këto që kanë dalë janë muhabete të kota. E kanë djalin inat. Ato janë pa burra. Djali  ma ka nusen flori, janë në punë. Ajo ta marrë djalin dhe ta fus brenda.” theksoi ajo.

LEXONI GJITHASHTU: 

• E rrallë në Kinë, protestë kundër presidentit Xi Jinping
• Rreziku i luftës, 15 vende evropiane të gatshme për të blerë sisteme mbrojtje ajrore