Topi i ‘Dorës së Zotit’ në ankand, pritet të shitet të paktën 2.8 milionë dollarë

Topi i “Dorës së Zotit”, një nga momentet më të famshme në historinë e futbollit, do të dalë në ankand muajin e ardhshëm.

Duke goditur topin me dorë pa e parë arbitri, Diego Armando Maradona shënoi golin përmes të cilit Argjentina eliminoi Anglinë në çerekfinalet e Kupës së Botës 1986, në Meksikë.

E njëjta dorë ngriti më pas trofeun në fund të turneut.

Arbitri tunizian i ndeshjes e mbajti topin për 36 vjet dhe tani ka vendosur ta nxjerrë atë në ankand në Londër me një vlerë që varion nga 2.8 në 3.4 milionë dollarë.

Topi nuk është i vetmi artikull i ndeshjes që ka dalë në ankand. Fanella me numrin 10 e Maradonës u shit majin e kaluar me mbi 8 milionë dollarë, një rekord i ri botëror për objektet sportive përkujtimore.

LEXONI GJITHASHTU:

• ‘Maradona, ëndrra e bekuar’, në Argjentinë seriali që zbulon jetën e legjendës së futbollit
• Shuhet legjenda e futbollit botëror, Diego Armando Maradona