Laçi në kërkim të fitores, Vllaznia synon afrimin me kreun

Kategoria Superiore zhvillon këtë të diel 3 përballje interesante, mes tyre dhe ajo që luhet në Laç.

Vllaznia e cila vjen nga një formë e mirë pas fitores në kupë ndaj Flamurtarit përballet me Laçin vendas i cili aktualisht është në krizë.

Trajneri i kuqebluve, Mirel Josa e vlerëson maksimalisht kundërshtarin, ndërkohë që kërkon prej të tijve 3 pikët.

“Duhet të kemi parasysh që ndeshja qoftë e nesërmja qoftë ndeshjet e tjera janë determinante si për ne si për skuadrat e tjera, kështu që e kemi pritur ndeshjen me qetësi. Laçi është një skuadër që nuk meriton atë vend që ka në klasifikim, qoftë edhe pikët që ka grumbullu deri tani. Ka cilësi mbrenda skuadrës dhe skuadër që vitet e fundit ka bërë përfaqësime të mira”, tha ai.

Vllaznia është penalizuar nga mungesat në ndeshjen e mëparshme në kampionat, teksa rikthehet nga dëmtimi një lojtar kyç.

Kurbinasit renditen në vendin e fundit me vetëm një fitore dhe një barazim, ndërkohë që shkodranët synojnë të afrohen edhe më tepër me kreun.

LEXONI GJITHASHTU

• Skënderbeu pa rival në volejbollin për femra, mposht me lehtësi Korabin
• Futbollisti i Mançester Junajtid akuzohet për tentativë përdhunimi
• Igli Tare: Juventus, Roma, Inter dhe Milan të falimentuara, por i duhen sistemit